پێش هەمووشتێک سوپاس بۆ خودا و بەخێرهاتنت دەکەم بۆ ناو ماڵپەڕی وردبین، ئەم ماڵپەڕەی ئێستا تۆ تێیدایت ئەنجامی کارکردنی زیاتر لەمانگێکە هەرچەندە کەسێکی شارەزاتر لەوانەیە بە هەفتەیێک تەواوی بکات بەڵام ئەو بۆ من کارێکی گەورەو تایبەتە خۆشبەختانە توانیم لەو ماوەیە گەلێ شتی نوێ و بەسود ئەزمون بکەم و گەلێ هەڵەشم ڕاستبکەمەوە، تاکە ئامانج لەدروستکرنی ئەم ماڵپەڕە جیا لەحەزی خۆم بۆ ئەو کارەوە یارمەتیدانی هاوپیشەو هاو ئامانجەکانمە لەبواری پڕۆگراممینگ و بەرەو پێشبردنی بوارەکەو فراوانکردن و ڕاستکرنەوەی هەڵەتێگەیشتنەکان دەربارەی پڕۆگراممینگ، ئەم هۆکارانە وایلێکردم کە لەپاڵ خوێندن و فێربوونی بابەتەکە کەسانی تریش سود وەربگرن لەو شتەکەمانەی کەمن دەیانزانم، پێموابوو باشترین ڕێگەش دروستکردنی وێبسایتێکە بۆ ئەوەی زانیاری و سەرنجەکانم بگات بە زۆرترین کەس و وە هەرکاتێکیش حەزتکرد دەتوانی دووبارە بابەتەکان بخوێنیەوەو کۆرسەکانی کە داشمناون سودیان لێوەربگریت. بەهەرحاڵ ئەگەر سەیری سەرەوە بکەی دەبینیت ناونیشانی چوار پەڕەی تر داندراون کە هەر یەکەو بابەتی جیاجیاو سەربەخۆ دەگرێتەوە لەڕاستیدا پەڕەی تریشم دانابوو وە پێویستیش بوو بابەتەکان قوڵتربن بەڵام بەداخەوەم کە کات ڕێگەی نەدا ئەگینا شتی زۆرترم لەخەیاڵ بوو بۆ ئەوەی دایانبنێم دەمەوێ تەنها ئەوەندە بڵێم کە بابەتەکانی ئەم ماڵپەڕەش تەنها ڕێگەت بۆ دەکەنەوە بۆ ناو بوارەکە بەگشتی، ئەگەر کەسێکیت و تائێستاش تواناو لێهاتوویەکانی خۆتت بەکارنەهێناوە هیوادارم کە لەئێستاوە دەستپێبکەی و کاتت بەفیڕۆ نەدەی چونکە تەواو دڵنیا بە کە داهاتوو بۆ خۆت و بۆ بوارەکەی تۆیە هەربۆیە تاکاتت لەبەردەستەو تواناو لێهاتووی گەنجیتیت هەیە بۆ خۆت لەفێربوون بەکاریبێنە، تا نەکەوینە ئەو ڕۆژەی کە وڵاتەکەمان پەنا بۆ کەسانی بیانی ببات لەبەرنەبوونی کەسانی پڕۆفێشناڵ یاخود کەم شارەزایی تاکەکانی وڵاتەکەی. بۆیە هیوادارم کە ئەم ماڵپەڕە سودێکی بۆ تۆی بەڕێز هەبێت و کەمێک ئاشنابیت بە کۆدنوسین و بواری پڕۆگراممینگ، خۆشحاڵیش دەبم ئەگەر هەڵەیەکم کردبێت تۆ بۆم ڕاستبکەیەوە چونکە بابەتە عیلمیەکانم ڕاستەوخۆ لە ماڵپەڕی فەرمی دیاریکراو بە بابەتەکە دەرمهێناون و وەرگێڕانم بۆی کردووە.